الأصناف

صفحة الأصناف فيها كل حاجة بتبيعها أو بتستخدمها في الصيانة: الاسم، السعر، الباركود، وحد الطلب. الصنف لازم يكون متسجل هنا عشان تبيعه من الكاشير أو تشتريه في فاتورة شراء.

هتلاقيها فيننسخ الرابط

من القايمة: المخزن ← الأصناف. وعلى الموبايل هتلاقيها في الشريط اللي تحت.

أي حد في الفريق يقدر يفتح الصفحة ويتفرج. التعديل محتاج صلاحيات (شوف الصلاحيات تحت).

قايمة الأصنافنسخ الرابط

• البحث: اكتب في خانة دوّر باسم الصنف أو الباركود أو الكود.
• الحالة: الشغالين (الافتراضي)، ناقصين (وصلوا لحد الطلب أو أقل)، الموقوفين، أو الكل.
• التصنيف: اختار تصنيف، أو من غير تصنيف. ولو عندك قطع غيار هيظهر كمان قطع غيار الصيانة.

جنب كل صنف هتشوف علامات زي عرض أو قطعة غيار أو ناقص أو موقوف، ولو الصنف بأشكال هتشوف عدد الأشكال. لو معاك صلاحية يشوف التكلفة هتظهرلك كمان التكلفة والهامش.

نوع الصنفنسخ الرابط

أول حاجة في صفحة الصنف بتختار نوعه:

ضيف صنف جديدنسخ الرابط

دوس ضيف صنف. في الصنف الجديد العادي، خانة الباركود بتيجي الأول، لأن الباركود ممكن يملا الاسم لوحده.

منين بيجيب الاسم بالباركود؟نسخ الرابط

أول حاجة بيدوّر على الأسامي اللي محلات موبيلات تانية سجّلت بيها نفس الباركود. لو ملقاش، بيدوّر في قواعد بيانات منتجات عامة ومواقع على النت. ساعات مبيلاقيش حاجة، خصوصاً الإكسسوارات اللي من غير ماركة، وساعتها اكتب الاسم بإيدك عادي.

الصنف ملوش باركود؟نسخ الرابط

دوس اعمل باركود داخلي جنب خانة الباركود. موبيلات بيعمل باركود جديد مش متكرر في محلك، وبيظهر جنبه كلمة داخلي. بعدين اطبعه استيكر من طباعة الباركود.

إعدادات الصنفنسخ الرابط

• الصنف ده إيه؟: بضاعة للبيع أو قطعة غيار للصيانة. قطعة الغيار ليها مخزن وتكلفة عادي، بس مش بتظهر في الكاشير. بتستخدمها من صفحة الصيانة.
• الصنف شغّال: لو وقفته مش هيظهر في الكاشير.
• يظهر في صفحة المحل: بيظهر بس لو صفحة المحل العامة شغالة، وللبضاعة اللي للبيع والعروض. شوف صفحة المحل.
• إعدادات الفاتورة الإلكترونية: نسبة الضريبة %، نوع الكود (مفيش أو GS1 أو EGS)، وكود الصنف في الضرايب.
• ملاحظات: أي حاجة عايز تفتكرها عن الصنف.

لما تفتح صنف متسجل، هتلاقي تحت المخزون في الفروع: الكمية في كل فرع، ولو معاك الصلاحية هتلاقي زرار يوديك لحركات الصنف ده. ولو بتشوف التكلفة، هتلاقي تحت سعر البيع متوسط التكلفة والهامش.

الأشكالنسخ الرابط

اختار بأشكال وبعدين:

لو مسحت شكل عليه حركات، مش هيتمسح: هيتوقف بداله، ودوس احفظ.

العروضنسخ الرابط

اختار عرض، وفي محتوى العرض دوّر على الأصناف أو امسحها وحدد كمية كل واحد. اكتب سعر العرض، وهتشوف مجموع أسعار الأصناف ومعاه الزبون بيوفّر أو العرض أغلى بـ. العروض ملهاش رصيد أول المدة ولا حد طلب، ومينفعش تحط عرض جوه عرض.

امسح أو وقّف صنفنسخ الرابط

من قايمة الثلاث نقط فوق في صفحة الصنف:

• وقّف الصنف: مش هيظهر في الكاشير، بس تاريخه كله بيفضل.
• امسح الصنف: بيتمسح بس لو ملوش أي بيع أو حركات مخزن. لو عليه حركات هتظهر الصنف ده عليه حركات وهنعرض عليك وقّفه بدل كده.

التصنيفاتنسخ الرابط

من صفحة الأصناف دوس الثلاث نقط ← التصنيفات.

• ضيف: اكتب اسم التصنيف (مثلاً: شواحن) ودوس ضيف.
• رتّب: بأسهم فوق وتحت جنب كل تصنيف.
• عدّل: غيّر الاسم والاسم بالإنجليزي.
• وقّف: بالمفتاح جنب التصنيف. التصنيف الموقوف مبيظهرش في الفلاتر ولا في اختيار تصنيف لصنف جديد.

جنب كل تصنيف هتشوف عدد الأصناف اللي فيه. وتقدر كمان تعمل تصنيف جديد وانت بتعدل الصنف نفسه.

الاستيراد من إكسيلنسخ الرابط

لو عندك الأصناف في شيت، من صفحة الأصناف دوس الثلاث نقط ← استورد من إكسيل.

قواعد مهمة:

• السطور اللي ليها نفس الاسم ومختلفة في الموديل أو اللون بتبقى أشكال لنفس الصنف. نفس الاسم من غير اختيار يفرّق بينهم يعتبر خطأ.
• لو الباركود أو الكود موجود عندك قبل كده، السطر بيحدّث السعر وحد الطلب بس. الكمية مش بتتسجل للأصناف الموجودة، استخدم تسوية المخزن.
• الكمية للأصناف الجديدة بتتسجل رصيد أول المدة في الفرع اللي انت فاتحه، والتكلفة بتتسجل معاها.
• التصنيفات اللي مش موجودة بتتعمل لوحدها.
• الباركود أو الكود المتكرر جوه الملف يعتبر خطأ.

طباعة الباركودنسخ الرابط

استيكرات للأصناف اللي معندهاش باركود من المصنع. من صفحة الأصناف دوس الثلاث نقط ← اطبع باركود.

الصلاحياتنسخ الرابط

• يضيف ويعدل الأصناف: يضيف ويعدل ويمسح الأصناف والتصنيفات. من غيرها هتشوف انت بتتفرج بس.
• يغير الأسعار: يغيّر سعر البيع.
• يشوف التكلفة: يشوف التكلفة والهامش.
• يظبط المخزون: يكتب رصيد أول المدة.
• يستورد من إكسل: يستورد الأصناف.

الصلاحيات بتتظبط من الفريق والصلاحيات.