صفحة المحل
صفحة عامة ببلاش لزباينك على mobilat.shop/اسمك، فيها أصنافك وفروعك والطلب على واتساب ومتابعة الصيانة.
صفحة المحل صفحة عامة على mobilat.shop/اسم-صفحتك. الزبون يقدر يشوف انت بتبيع إيه، يعرف فروعك فين، يطلب على واتساب، ويتابع جهازه اللي سايبه في الصيانة.
هتلاقيها فين
ادخل الإعدادات ← صفحة المحل للزباين.
التعديل في الصفحة محتاج صلاحية يغير إعدادات المحل. وصفحة المحل مش موجودة في باقة المحافظ.
قبل ما تشغّلها
الصفحة مش هتشتغل غير لما تكتب دول في بيانات التواصل:
- رقم التليفون
- المحافظة
- المدينة / المنطقة
- العنوان بالتفصيل
دول نفس التليفون والعنوان اللي على الفاتورة، فلو غيّرتهم هنا بيتغيروا في الإعدادات كمان. ومحتاج كمان تختار اسم لصفحتك.
شغّل الصفحة
اختار اسم صفحتك
في اسم صفحتك، اكتب اسم بالإنجليزي زي اسم المحل (مثلاً shark أو elnour-mobile). مسموح بس حروف إنجليزي صغيرة وأرقام وشَرطة. وانت بتكتب هتلاقي متاح أو محجوز لمحل تاني أو الشكل مش مظبوط. وفيه كلمات محجوزة لصفحات موبيلات نفسها ومينفعش تستخدمها.
اكتب بيانات التواصل
اكتب التليفون والعنوان في بيانات التواصل. لينك جوجل ماب اختياري (شوف إزاي تنسخ لينك جوجل ماب).
شغّل السويتش
شغّل الصفحة شغالة. السويتش بيتحفظ على طول وهتلاقي الصفحة اشتغلت. ولو فيه حاجة مطلوبة ناقصة، هنقولك تكتب إيه الأول.
لو قفلت الصفحة، اللينك يقول إن المحل مش موجود.
سويتش الصفحة شغالة بس اللي بيتحفظ لوحده. أي تعديل تاني في الصفحة دي لازم تضغط احفظ في الشريط اللي تحت الشاشة (أو رجّع زي ما كان عشان تلغيه).
الصور
في الصور ارفع اللوجو (مربع) وصورة الغلاف (بتظهر عريضة فوق الصفحة). الاتنين اختياري، واللوجو هو نفس اللوجو اللي على الفاتورة.
السوشيال ميديا
الصق لينك صفحتك وهنعرف هو أنهي منصة: واتساب، فيسبوك، ماسنجر، إنستجرام، أو تليجرام. واضغط ضيف. ليك لينك واحد لكل منصة، ولو ضفت لينك جديد لنفس المنصة بيحل مكان القديم.
يظهر إيه للزباين
في يظهر إيه للزباين:
- الأسعار: لو قفلتها، الزبون يسأل على السعر في واتساب.
- متاح ولا خلص: بيبيّن الصنف موجود ولا لأ، من غير الكميات.
- متابعة الصيانة: الزبون يكتب رقم الإيصال وموبايله ويشوف حالة جهازه.
التكلفة والكميات وقطع الغيار وبيانات الزباين مش بتظهر أبداً.
بيانات الصفحة
- رقم الواتساب: الطلبات بتوصل عليه. لو سبته فاضي هنستخدم تليفون المحل.
- كلمة عن المحل: سطر قصير عن اللي بتقدمه.
- مواعيد العمل
اخفي صنف من الصفحة
كل صنف بتبيعه بيظهر في الصفحة من الأول. عشان تخفي صنف، افتحه واقفل يظهر في صفحة المحل. السويتش ده بيظهر بس لما صفحة المحل تكون شغالة. شوف الأصناف.
شارك صفحتك
أول ما الصفحة تشتغل، هتلاقي كارت فوق فيه اللينك وزراير افتح وانسخ اللينك وQR للطباعة. اطبع الـ QR وحطه على الكاونتر عشان الزباين يصوّروه.
الزبون يقدر يعمل إيه
- يدوّر في أصنافك ويفلتر بالقسم.
- يضغط اطلب على واتساب على أي صنف فتوصلك رسالة جاهزة باسمه وسعره، أو اسأل عليه لو خلص.
- يضغط كلمنا واتساب، أو يتصل بيك، أو يفتح كل فرع على الخريطة.
- يتابع الصيانة: يكتب رقم الإيصال وموبايله ويشوف الحالة، زي استلمناه أو بيتصلح أو جاهز تستلمه.
- يقلب الصفحة بين العربي والإنجليزي.