فواتير الشراء

فاتورة الشراء بتدخّل البضاعة المخزن وبتسجل تكلفتها. لو دفعت، الفلوس بتخرج من الخزنة أو المحفظة، ولو آجل بتتقيد على حساب المورد.

هتلاقيها فيننسخ الرابط

• فاتورة جديدة: المشتريات ← فاتورة شراء.
• كل الفواتير: المشتريات ← المشتريات.

سجّل فاتورة شراءنسخ الرابط

باركود مش متسجلنسخ الرابط

لو مسحت باركود مش متسجل ومعاك صلاحية يضيف ويعدل الأصناف، هيفتحلك صنف جديد والباركود مكتوب فيه. اكتب اسم الصنف وسعر الشراء وسعر البيع والقسم، ودوس ضيف للفاتورة. وتقدر تفتح نفس الشاشة من زرار صنف جديد جنب البحث. لو مش معاك الصلاحية، اطلب من حد عنده صلاحية الأصناف يضيفه.

الدفعنسخ الرابط

• دفعت كله: الفلوس كلها بتخرج من الخزنة أو المحفظة اللي اخترتها.
• دفعت جزء: اكتب دفعت كام؟، والباقي بيتقيد على المورد.
• آجل: مفيش فلوس بتخرج دلوقتي، والمبلغ كله بيتقيد على المورد.

قبل ما تحفظ هتشوف مدفوع دلوقتي وهيتقيد على المورد. المورد اللي ليه مدة سداد بيبدأ على آجل لوحده، وتقدر تغيّره.

ميعاد السداد بيتحسب تلقائي من التاريخ ومدة سداد المورد. تقدر تغيّره، ودوس رجّعه تلقائي عشان يرجع للحساب التلقائي. الميعاد ده هو اللي بيتبني عليه أعمار الديون في صفحة المورد.

المصاريف الإضافيةنسخ الرابط

نقل، شحن، جمارك… افتح مصاريف إضافية ودوس نقل أو شحن أو مصروف تاني. اكتب البند والمبلغ واختار مين دفعها؟:

• على فاتورة المورد (أو مع الفاتورة في الشراء الكاش): بتتضاف على المبلغ اللي للمورد.
• دفعتها أنا من خزنة: اختار الخزنة أو المحفظة اللي اتدفعت منها، ومش بتدخل في حساب المورد.

في الحالتين المصاريف بتتوزع على الأصناف حسب قيمتها. تحت كل صنف هتشوف واصلة: تكلفة القطعة بعد المصاريف.

التكلفة بتتحدث إزاينسخ الرابط

لما تحفظ الفاتورة:

• الأصناف بتدخل مخزن الفرع اللي انت فاتحه، وبتتسجل حركة شراء.
• التكلفة الواصلة لكل صنف بتدخل في متوسط التكلفة بتاعه. المتوسط واحد للمحل كله. شوف متوسط التكلفة.
• آخر تكلفة بتتحفظ، وبتظهر المرة الجاية في الفاتورة كتكلفة مبدئية.

قايمة المشترياتنسخ الرابط

من المشتريات ← المشتريات هتلاقي فواتير الشهر ده. غيّر الفترة، فلتر بالمورد، أو بالحالة (متسجلة / ملغية)، ولو عندك كذا فرع اختار الفرع ده أو كل الفروع.

فوق هتشوف عدد الفواتير، إجمالي المشتريات، اتدفع وقت الشراء، واتقيد آجل. وكل فاتورة عليها مدفوعة أو آجل أو جزء آجل أو ملغية.

في صفحة الفاتورة هتلاقي الأصناف ونصيب كل صنف من المصاريف وتكلفته الواصلة، والدفع، والمرتجعات، وأثرها على حساب المورد.

مرتجع للموردنسخ الرابط

الأصناف بتخرج من المخزن وبتتسجل حركة مرتجع شراء. زرار المرتجع بيظهر في الفواتير اللي ليها مورد بس. وتقدر كمان تعمل مرتجع من صفحة المورد من غير ما تختار فاتورة: بتمسح أي أصناف وتكتب تكلفتها.

إلغاء فاتورة شراءنسخ الرابط

لو الفاتورة اتسجلت غلط، دوس إلغاء الفاتورة واكتب السبب. الأصناف هتخرج من المخزن، والفلوس اللي اتدفعت هترجع الخزنة، وحساب المورد هيرجع زي ما كان. الفاتورة بتفضل موجودة وعليها ملغية.