الصيانة

قسم الصيانة بيتابع كل جهاز من ساعة ما تستلمه لحد ما يتسلّم للعميل. بتسجّل العطل والفني، القطع اللي اتغيرت والمصنعية، والعربون، ووقت التسليم البرنامج بيعمل فاتورة لوحده.

هتلاقيها فيننسخ الرابط

من القايمة: البيع ← الصيانة. وعلى الموبايل بتظهر في الشريط اللي تحت للي بيستلم أجهزة ومعندوش المحافظ (زي الفنيين).

قايمة الأجهزةنسخ الرابط

الأجهزة متقسمة على تابات: شغالين (استلمناه أو بيتصلح)، جاهزة، اتقفلت (اتسلّم أو رجع من غير تصليح)، والكل. تقدر تدوّر برقم الأمر، الجهاز، العميل، الموبايل، أو IMEI.

لو الجهاز عدّى ميعاد التسليم ولسه مخلصش، بيظهر جنبه متأخر.

استلم جهازنسخ الرابط

حالة الجهازنسخ الرابط

فوق صفحة أمر الشغل فيه أربع خطوات: استلمناه، بيتصلح، جاهز للتسليم، اتسلّم. دوس على الخطوة عشان تنقل الجهاز ليها. خطوة اتسلّم مبتتدسش، بتحصل بس لما تسلّم الجهاز وتحصّل.

لما تخليه جاهز للتسليم، زرار الواتساب بيبقى قوله جاهز وبيبعت للعميل رسالة جاهزة فيها الجهاز ورقم الأمر والمبلغ المطلوب.

القطع والمصنعيةنسخ الرابط

من قسم القطع والمصنعية دوس ضيف واختار:

• قطعة من عندي: قطعة من المخزن. قطع الغيار بتظهر الأول (الأصناف اللي استخدامها قطعة غيار)، وبعدها أصناف البيع. اكتب العدد وهتبيعها للعميل بكام.
• اشتريتها للجهاز: لو جبت القطعة مخصوص. اكتب اشتريتها بكام، واختار آجل على المورد أو دفعت دلوقتي ومن أنهي خزنة. لو القطعة جديدة اكتب اسمها وهتتضاف لقطع الغيار. الاختيار ده بيظهر بس للي معاه صلاحية يسجل مشتريات.
• مصنعية: اكتب المصنعية ووصف لو حابب، زي تغيير شاشة.

تحت هتلاقي القطع والمصنعية والإجمالي، والعربون، والمطلوب من العميل. ولو معاك صلاحية تشوف التكلفة، هيظهرلك مكسبك في المصنعية والقطع.

عشان تشيل سطر دوس على علامة X جنبه. لو القطعة كنت اشتريتها، بتفضل في مخزن قطع الغيار وحساب المورد زي ما هو.

العربوننسخ الرابط

من زرار العربون في صفحة الأمر تقدر زوّد العربون أو رجّع للعميل، وتختار الخزنة أو المحفظة. العربون بيتسجل على حساب العميل ويظهر في كشف حسابه.

سلّم الجهازنسخ الرابط

لو قطعة مش موجودة كفاية في المخزن أو هتتباع بأقل من تكلفتها، هيطلعلك تنبيه فيه تنبيه قبل التسليم وتختار تكمّل أو ترجع. ولو العربون أكبر من الحساب، الفرق بيفضل رصيد للعميل.

رجع من غير تصليحنسخ الرابط

لو الجهاز هيرجع للعميل من غير تصليح، دوس رجع من غير تصليح واكتب السبب (لازم). لو فيه عربون اختار رجّعه للعميل (ومن أنهي خزنة) أو خليه في حسابه عشان يتخصم من أي حاجة يشتريها بعد كده. بعدين دوس اقفل أمر الشغل.

العميل يتابع جهازهنسخ الرابط

لو شغّلت متابعة الصيانة في إعدادات صفحة المحل، هيظهر على صفحة محلك قسم جهازك اللي في الصيانة. العميل بيكتب رقم الإيصال (رقم أمر الشغل) والموبايل اللي ساب بيه الجهاز، ويدوس شوف. هيشوف حالة الجهاز، وإمتى استلمناه، والميعاد المتوقع، والتكلفة المتوقعة لو كتبتها، والفرع ورقمه.