الجرد

الجرد بيخليك تعدّ البضاعة اللي على الرف فعلاً وتقارنها باللي في السيستم. لما تقفل الجرد، موبيلات بيصلّح رصيد الأصناف اللي عدّيتها بس.

هتلاقيه فيننسخ الرابط

من القايمة: المخزن ← الجرد، أو من صفحة المخزون بزرار جرد.

ابدأ جردنسخ الرابط

الجرد بيفضل شغال لحد ما تقفله أو تلغيه، وتقدر تسيبه وترجعله بعدين من قايمة شغالين دلوقتي.

الجرد بالسكانرنسخ الرابط

فوق في صفحة الجرد بتختار طريقة العد:

• كل مسحة = +1: كل ما تمسح الصنف (بالسكانر أو الكاميرا) العدد بيزيد واحد. امسح كل قطعة على الرف وخلاص.
• اكتب العدد: امسح الصنف أو دوّر عليه، واكتب العدد كله مرة واحدة.

بعد كل مسحة هتشوف آخر صنف ومعاه المتوقع والفرق. وتقدر تعدّل أي عدد من السطر بتاعه، أو تشيل صنف من الجرد.

العروض مش بتتعد، لأنها ملهاش مخزون لوحدها. اعدّ الأصناف اللي جواها.

الجرد مع زمايلكنسخ الرابط

أكتر من موظف يقدروا يعدّوا في نفس الجرد في نفس الوقت، كل واحد من موبايله. دوس أيقونة اللينك (انسخ اللينك) وابعته لزميلك. هتشوف بتعدّوا مع بعض دلوقتي، وفي اللي بيحصل دلوقتي هتشوف مين عدّ إيه، وجنب كل صنف مين آخر واحد عدّه.

الفروقنسخ الرابط

فوق في الصفحة هتلاقي اتعد (عدد الأصناف)، فيهم فرق، وزيادة / عجز. ولو بتشوف التكلفة هتلاقي قيمة الفرق بالتكلفة، محسوبة بمتوسط التكلفة.

بدّل بين:

• اتعد: كل الأصناف اللي عدّيتها.
• فيه فرق: الأصناف اللي عددها مختلف عن المتوقع.
• لسه متعدش: أصناف موجودة في السيستم ومحدش عدّها.

اقفل الجردنسخ الرابط

اللي بيحصل لما تقفل:

• الأصناف اللي اتعدت بس هي اللي بتتصلّح. أي صنف معدّتوش بيفضل زي ما هو في المخزن.
• المتوقع بيتحسب لحظة القفل، فلو حصل بيع أثناء الجرد هيتحسب صح.
• كل فرق بيتسجل حركة فرق جرد في حركة المخزن. من الجرد المقفول دوس شوف حركات التصليح عشان تشوفها.

إلغاء الجردنسخ الرابط

وانت لسه في الجرد، دوس إلغاء فوق وبعدين ألغيه. المخزن مش هيتغير، والسطور اللي اتعدت هتتشال من الحساب.