أول خطوات
سجّل محلك، خلّص خطوات التجهيز، واستعد لأول بيعة.
تجهيز موبيلات بياخد دقايق: تعمل حساب، تجاوب على كام سؤال عن محلك، وتبدأ على طول. وكل محل جديد بياخد فترة تجربة ببلاش من غير فيزا.
اعمل حسابك
افتح mobilat.shop/signup. تقدر تسجّل بطريقة من الاتنين:
اضغط كمل باستخدام جوجل واختار حساب جوجل بتاعك، وهتدخل على خطوات التجهيز على طول.
لو اخترت باقة من صفحة الأسعار قبل ما تسجّل، هتلاقيها متحددة في خطوات التجهيز.
جهّز محلك
بعد التسجيل هيظهرلك كام سؤال، كل سؤال في شاشة لوحده، وتقدر ترجع لأي خطوة.
اسم المحل
اسم المحل إيه؟ ده اللي هيظهر على الفواتير وللموظفين.
عدد الفروع
عندك كام فرع؟ اختار ١ أو ٢ أو ٣، أو أكتر لحد ١٠ فروع. تقدر تزوّد أو تقفل فروع بعدين من الإعدادات.
أسماء الفروع
لو فرع واحد، اكتب المنطقة اللي هو فيها، أو سيبها فاضية وهنسميه الفرع الرئيسي. لو أكتر من فرع، هتختار الفروع كلها بنفس اسم المحل (وكل فرع بمنطقته) ولا كل فرع ليه اسم.
اختار باقتك
اختار باقتك. أول أيام ببلاش ومن غير فيزا، وتقدر تغيّرها بعدين. الباقة اللي مش بتكفي عدد فروعك مش هينفع تختارها. شوف الباقات والتجربة.
المراجعة
تمام كده؟ راجع اسم المحل والفروع والباقة، واضغط يلا نبدأ. كل فرع ليه خزنة ومخزن لوحده.
بيانات تجريبية ولا محل فاضي
أول ما المحل يجهز هتلاقي محلك جاهز واختيارين:
- جرّب ببيانات تجريبية: بنملا المحل بموبايلات وإكسسوارات وموردين ومحافظ ومبيعات النهارده، عشان تجرّب براحتك.
- ابدأ بمحل فاضي: تبدأ على نضافة وتضيف أصنافك أو تستوردها من إكسل.
لو انت صاحب المحل، فيه جولة سريعة بتلففك على أهم الصفحات. تقدر تشوفها تاني في أي وقت من قايمة حسابك.
تعمل إيه الأول
أول ما تدخل، دي أحسن حاجات تبدأ بيها:
ضيف أصنافك
ضيف الموبايلات والإكسسوارات بالباركود، أو استوردها من إكسل. شوف الأصناف.
جهّز الخزنة والمحافظ
كل فرع بيبدأ بخزنة. ضيف خطوط فودافون كاش واتصالات وأورنج ووي وحساب إنستاباي. شوف الخزنة والمحافظ.
ضيف فريقك
ضيف الكاشير والفني والمدير برقم موبايلهم، واختار دور كل واحد والفرع اللي بيشتغل فيه. شوف الفريق والصلاحيات.
اعمل أول بيعة
افتح الكاشير، امسح الباركود أو دوّر بالاسم، واقبض. شوف الكاشير.
الدخول بعد كده
ادخل من mobilat.shop/login. صاحب المحل يدخل بـ كمل باستخدام جوجل أو بالإيميل والباسورد. الموظفين بيدخلوا برقم موبايلهم في خانة الإيميل أو رقم الموبايل. نسيت الباسورد؟ اضغط نسيت الباسورد؟ (شوف حسابي).