الخزنة والمحافظ

هنا كل مكان فيه فلوسك: الخزنة (الدرج) وكل خط محفظة أو حساب إنستاباي أو بنك. موبيلات مش بيحرّك فلوس خالص؛ انت بتبعت وبتستلم من موبايلك زي العادة، وبتسجّل هنا عشان الأرصدة تفضل مظبوطة.

هتلاقيها فيننسخ الرابط

من القايمة: الفلوس ← الخزنة والمحافظ. في باقة المحافظ اسمها في القايمة المحافظ.

هتشوف إيهنسخ الرابط

• فوق: إجمالي اللي معاك، وده مجموع أرصدة كل الحسابات الشغالة.
• تلات خانات للنهارده: عمليات النهارده، وحجم التحويلات (ومكتوب جنبه مش مبيعات)، وصافي العمولة (بعد رسوم الشبكة). فلوس المحافظ مش بتتحسب مبيعات؛ الدخل بتاعك هو صافي العمولة بس.
• كارت لكل حساب فيه رصيده، واللي داخل وخارج النهارده، وشريط حد النهارده وحد الشهر لو الخط ليه حدود.
• آخر عمليات المحافظ، وجنب كل عملية العمولة اللي كسبتها.

دوس كشف على أي كارت عشان تفتح كشف حساب: رصيد أول الفترة ورصيد آخر الفترة، وإجمالي داخل وخارج، وكل حركة. وتقدر تفلتر بـ الكل أو داخل أو خارج.

ضيف الحساباتنسخ الرابط

دوس الحسابات والخطوط. القايمة فيها جزئين: المحافظ وإنستاباي والبنوك، والخزنة. كل فرع بيبدأ بخزنة واحدة. الخزنة وخط المحفظة ليهم فورم منفصلة.

ضيف خط محفظةنسخ الرابط

ضيف خزنة تانيةنسخ الرابط

لو عندك أكتر من درج فلوس في نفس الفرع (مثلاً خزنة الصيانة)، دوس خزنة تانية جنب الخزنة. محتاجة اسم بس.

ولو بطّلت تستخدم حساب، افتحه واقفل شغال. هيختفي من الكروت بس حركاته القديمة بتفضل.

سجّل رصيد أول المدةنسخ الرابط

أول ما تبدأ تستخدم موبيلات، اكتب الفلوس اللي موجودة فعلاً في كل حساب.

سجّل عملية محفظةنسخ الرابط

دوس على كارت أي محفظة، أو زرار تحويل. الشاشة بتفكرك: تسجيل بس — الفلوس بتتبعت من موبايلك زي العادة.

في الإيداع، الكاش اللي بتاخده = المبلغ + عمولتك. في السحب، الكاش اللي بتدّيه = المبلغ − عمولتك. والكاش ده بيدخل الخزنة أو بيطلع منها.

الغي عمليةنسخ الرابط

دوس على العملية، وبعدين إلغاء العملية واكتب السبب. العملية بتتعلّم ملغية وفلوسها بترجع مكانها. الكاشير يقدر يلغي عملياته هو في نفس اليوم بس، واللي معاه يظبط الأرصدة يقدر يلغي أي عملية.

رسوم وعمولات الشبكاتنسخ الرابط

من قايمة ⋮ دوس رسوم وعمولات الشبكات. لكل شبكة، ولكل نوع عملية (إيداع / تحويل لعميل وسحب)، حدد:

• رسوم الشبكة عليك: اللي الشبكة بتاخده منك.
• عمولتك من العميل.

كل واحدة منهم ممكن تبقى مفيش أو نسبة أو مبلغ ثابت، ومعاها أقل حاجة وأقصى حاجة لو حبيت. وكمان تقدر تحط حدود الشبكة للعملية واليوم والشهر، وحد الخط نفسه (لو متسجل) بيغلب حد الشبكة. دي اقتراحات بتظهر للكاشير وقت العملية، ويقدر يغيرها.

تحويل بين الحساباتنسخ الرابط

عشان تسجّل فلوس اتنقلت بين حساباتك انت (مثلاً نزّلت كاش في المحفظة عن طريق وكيل، أو حولت من محفظة لمحفظة)، دوس ⋮ وبعدين تحويل بين الحسابات. اختار من وإلى، واكتب المبلغ ورسوم (لو فيه)، ودوس سجّل التحويل. الرسوم بتتخصم من الحساب اللي بيحوّل، وبتتحسب من صافي عمولات المحافظ.

ظبّط رصيدنسخ الرابط

لو الرصيد الحقيقي مش زي الدفاتر، دوس ⋮ وبعدين تسوية / رصيد أول المدة واختار تسوية. اكتب الرصيد الفعلي دلوقتي، وموبيلات هيوريك الفرق اللي هيتسجل. السبب لازم.

باقة المحافظنسخ الرابط

في باقة المحافظ بتشتغل على خطوط المحافظ وإنستاباي بس، من غير إدارة المحل. الخزنة بتفضل موجودة لأن كل عملية محفظة بتحرّك كاش. شوف الباقات.