الموردين

صفحة الموردين بتوريك الحساب اللي بينك وبين كل تاجر: عليك ليه كام، دفعتله إمتى، وإيه الفلوس اللي معاد سدادها عدّى.

هتلاقيها فيننسخ الرابط

من القايمة: المشتريات ← الموردين.

قايمة المورديننسخ الرابط

فوق هتلاقي عليك للموردين (ومعاه عدد الموردين اللي ليهم فلوس)، وليك عند موردين. دوّر بالاسم أو الموبايل، وفلتر بـليهم فلوس أو لينا عندهم.

جنب كل مورد هتشوف رصيده: ليه (انت مديون له)، لينا (هو مديون لك)، أو خالص. وكمان آخر دفعة إمتى.

ضيف موردنسخ الرابط

بعدين تقدر تعدّل البيانات من صفحة المورد ← الثلاث نقط ← عدّل البيانات، ومن هناك كمان تقفل مفتاح المورد شغال لو بطّلت تتعامل معاه.

رصيد الموردنسخ الرابط

صفحة المورد فوق بتوريك عليك ليه أو ليك عنده أو الحساب خالص، ومدة السداد، وآخر دفعة.

الرصيد بيتحسب من الحركات دي:

• فاتورة شراء: الجزء اللي متدفعش (الآجل) بيزوّد اللي عليك.
• دفعناله: بتقلل اللي عليك.
• مرتجع للمورد: بيقلل اللي عليك.
• رجّعلنا فلوس: لما المورد يرجّعلك فلوس مرتجع.
• رصيد أول المدة وتسوية.
• إلغاء حركة: حركة عكسية لحركة اتلغت.

رصيد أول المدةنسخ الرابط

لو كان ليه فلوس عندك قبل ما تبدأ على موبيلات، من الثلاث نقط اختار رصيد أول المدة، واختار ليه فلوس عندنا أو لينا فلوس عنده، واكتب المبلغ. ده بيتسجل مرة واحدة بس لكل مورد.

تسوية رصيدنسخ الرابط

لو اتفقتوا على خصم مثلاً، من الثلاث نقط اختار تسوية رصيد: زوّد اللي علينا أو قلّل اللي علينا، واكتب المبلغ والسبب (لازم).

ادفع للموردنسخ الرابط

كشف الحسابنسخ الرابط

تحت في صفحة المورد فيه تلات تابات:

• الحركات: كشف الحساب. كل حركة بنوعها ومبلغها وتاريخها، والرصيد بعدها. الفواتير ليها ميعاد استحقاق (يستحق)، والفواتير (والمرتجعات اللي اتعملت من فاتورة) ليها لينك لفاتورة الشراء.
• المشتريات: كل فواتير الشراء من المورد ده، وكل واحدة عليها مدفوعة أو آجل أو ملغية.
• المرتجعات: كل المرتجعات، وكل واحد مكتوب عليه اتخصم أو رجّع فلوس. ومن هنا تقدر تعمل مرتجع جديد.

ولو عليك فلوس، هتلاقي كمان أعمار الديون حسب ميعاد السداد: 0–30 يوم، 31–60 يوم، 61–90 يوم، وأكتر من 90.

إلغاء حركةنسخ الرابط

الدفعة أو رصيد أول المدة أو التسوية اللي اتسجلوا غلط من صفحة المورد، دوس إلغاء جنبهم واكتب السبب. هتتسجل حركة عكسية بنفس المبلغ، ولو كانت دفعة الفلوس هترجع الخزنة أو المحفظة اللي اتدفعت منها. الفواتير والمرتجعات مش بتتلغي من هنا. الفاتورة بتتلغي من صفحتها. شوف إلغاء فاتورة شراء.

مرتجع للموردنسخ الرابط

من الثلاث نقط ← مرتجع للمورد. امسح أو دوّر على الأصناف اللي هترجعها، حدد الكمية والتكلفة، واختار يتخصم من حسابه أو رجّعلي فلوس. لو المرتجع من فاتورة معينة، اعمله من صفحة الفاتورة. شوف مرتجع للمورد.