المصاريف

هنا بتسجّل كل اللي بيتصرف على المحل. المصاريف بتقلل صافي الربح، ولو اخترت الحساب اللي الفلوس طلعت منه، رصيده بيقل كمان.

هتلاقيها فيننسخ الرابط

من القايمة: الفلوس ← المصاريف. الصفحة فيها تابين: مصاريف الشهر والمصاريف الثابتة.

سجّل مصروفنسخ الرابط

لو عندك أكتر من فرع، المصروف بيتسجل على الفرع اللي انت شغال عليه.

مصاريف الشهرنسخ الرابط

اختار الشهر بالأسهم اللي فوق. هتشوف مصاريف الشهر وعدد المصاريف، وشريط لكل بند. دوس على بند عشان تشوف مصاريفه بس، وكل البنود عشان ترجع. ولو عندك أكتر من فرع تقدر تختار كل الفروع أو فرع واحد.

المصاريف اللي جاية من مصروف ثابت عليها علامة ثابت.

الغي مصروفنسخ الرابط

لو سجّلت مصروف بالغلط، دوس أيقونة الرجوع جنبه، واكتب السبب، ودوس الغي المصروف. مش هنمسحها، هنعمل قيد عكسي بنفس المبلغ ويفضل الاتنين ظاهرين. المصروف بيتعلّم اتلغى، ولو كان مدفوع من حساب الفلوس بترجعله.

البنودنسخ الرابط

دوس أيقونة الإعدادات اللي فوق عشان تفتح بنود المصاريف. دوس ضيف بند عشان تضيف بند باسم وأيقونة، أو القلم عشان تعدّل بند. البند المقفول مش هيظهر في المصروف الجديد، بس مصاريفه القديمة بتفضل.

المصاريف الثابتةنسخ الرابط

للحاجات اللي بتدفعها كل شهر زي الإيجار والكهربا والنت. بتضيفها مرة واحدة وموبيلات بيفكرك بيها قبل ميعادها. افتح تاب المصاريف الثابتة.

ضيف مصروف ثابتنسخ الرابط

التذكير بيوصلك لوحده: إشعار في التطبيق وعلى الموبايل.

سجّلها كل شهرنسخ الرابط

فوق هتشوف كل شهر (مجموع المصاريف الثابتة الشغالة)، واتسجل الشهر ده، وكام واحدة لسه. وكل كارت بيوريك حالته: مستحقة، أو متأخرة، أو اتسجلت.

• دوس سجّلها الشهر ده عشان تتسجل بمبلغها المحفوظ.
• دوس بمبلغ تاني عشان تسجّل مبلغ مختلف الشهر ده.

كل مصروف ثابت بيتسجل مرة واحدة في الشهر. وتقدر تختار شهر فات وتسجّل فيه واحدة كنت نسيتها.

لو لغيت مصروف ثابت كان اتسجل، الشهر ده بيرجع مستحق تاني. الكارت هيوريك اتسجلت واتلغت، وتقدر تدوس سجّلها كمصروف عادي.

ولو عايز توقّف مصروف ثابت، عدّله واقفل شغال، وهيتنقل لـ متوقفة.